100 мыңға жуық Қазақстан азаматы наркологиялық есепте тіркелген, деп хабарлайды Egemen.kz.
Бұл туралы Ішкі істер министрлігі Әкімшілік полиция комитеті төрағасының орынбасары Алексей Милюк ведомствоның ақпарат алаңында айтты.
«Учаскелік полиция алкогольге тәуелді тұлғаларды мәжбүрлеп емдеу бойынша денсаулық сақтау органдарының алдында мәселе қоюға құқылы. Бүгінде наркологиялық есепте 100 мыңға жуық осындай азамат тіркелген. Өзінің функцоналдық міндетіне қарай халықпен жеке байланыс орнатуға міндетті. Бұл полиция қызметінің халыққа қолжетімдігі қағидатында ерекше маңызға ие. Тіпті ауылдарда учаскелік полиция қызметкері ондағы ішкі істер органдарының, кейде тіпті мемлекеттік биліктің жалғыз өкілі ретінде жұмыс істейді. Сондықтан Мемлекет басшысы учаскелік полиция қызметкерін полицияның ұлттық сервистік моделіндегі негізгі буын ретінде атаған болатын», деді Алексей Милюк.