Елордада Гейдар Әлиев көшесіндегі учаске қозғалыс уақытша жабылады. Бұл туралы қала әкімдігінің баспасөз қызметі хабарлады, деп жазады Egemen.kz.
Жөндеу жұмыстарына байланысты биыл 19-25 шілде аралығында Гейдар Әлиев көшесінің Асқар Тоқпанов көшесінен Белжайлау көшесіне дейінгі бөлігі автокөлік қозғалысы үшін ішінара жабылатын болады.
«Қала жолдарында кептеліс тудырмас үшін елорда тұрғындары мен қонақтары қозғалыс бағытын алдын ала жоспарлауы қажет. Келтірілген қолайсыздықтар үшін кешірім сұраймыз және жөндеу жұмыстарының жүргізілуіне түсіністікпен қарауды өтінеміз», деп жазылған қалалық Көлік және жол-көлік инфрақұрылымын дамыту басқармасының хабарламасында.