Солтүстік Қазақстан облысы Қаратерек ауылында ҰҚК Шекара қызметі департаментінің әскери қызметшісі Айдын Тұрсынғазыұлы жерге қазылған су шұңқырына құлаған екі жасар баланы құтқарды, деп хабарлайды Egemen.kz ҚР ҰҚК баспасөз қызметіне сілтеме жасап.
«Баланы ес-түссіз күйде тапқан шекарашы жасанды тыныс алу және жүрекке массаж түрінде алғашқы медициналық көмек көрсете бастады, содан кейін бала есін жинай бастады», деп хабарлады ҚР ҰҚК баспасөз қызметі.
Қазіргі уақытта оның өміріне төнетін қауіп жоқ.