Республиканың тоғыз өңірінде дауылды ескерту жарияланды, деп хабарлайды Egemen.kz Қазгидрометке сілтеме жасап.
«Қазгидромет» РМК ақпараты бойынша, 25 тамызда Ақмола облысының шығысында найзағай күтіледі. Күндіз облыстың батысы мен шығысында 15-20 м/с жел соғады.
Ақтөбе облысында 37 градус қатты ыстық күтіледі, төтенше өрт қаупі сақталады.
Атырау облысының оңтүстік-шығысында найзағай, оңтүстік-батыстан, батыстан 15-20 м/с жылдамдықпен жел соғады, күндіз 36 градус ыстық сақталады. Облыстың шығысында төтенше өрт қаупі сақталады.
Батыс Қазақстан облысының солтүстігінде, солтүстік-батысында найзағай күтіледі. Күндіз 36 градус қатты ыстық күтіледі. Төтенше өрт қаупі бар.
Қарағанды облысының солтүстігінде, шығысында, батысында солтүстік-шығыстан жел соғады, екпіні 15-20 м/с жетеді. Облыстың оңтүстік-батысында төтенше өрт қаупі сақталады.
Қостанай облысының солтүстігінде, солтүстік-батысында найзағай күтіледі. Шығыстан соққан жел, күн күркіреген кезде екпіні 15-20 м/с. күндіз басым бөлігінде 37 градус қатты ыстық сақталады. Облыстың орталығында, оңтүстігінде және батысында төтенше өрт қаупі ескертіледі.
Қызылорда облысында төтенше өрт қаупі сақталады.
Маңғыстау облысының батысында, солтүстік-батысында найзағай күтіледі. Күндіз облыстың оңтүстігінде 38 градус қатты ыстық болады.
25 тамызда күндіз Солтүстік Қазақстан облысының солтүстік-шығысында найзағай күтіледі. Шығыс жел күндіз облыстың оңтүстік-шығысында 15-20 м/с, күндіз 25 тамызда 35 градус қатты ыстық күтіледі. Облыстың оңтүстік-батысында төтенше өрт қаупі сақталады.