Бұл туралы ҚР Денсаулық сақтау бірінші вице-министрі Марат Шоранов айтты, деп хабарлайды Egemen.kz.
«Соңғы 2 аптада Қазақстанда эпидемиологиялық жағдайдың біртіндеп тұрақтануы байқалады. Тамыз айымен салыстырғанда сырқаттану деңгейі 1,4 есе төмендеді», деді Марат Шоранов.
Вице-министрдің айтуынша, эпидемиологиялық жағдай матрицасына сәйкес, елдің 12 өңірі «қызыл» аймақта орналасқан. Соңғы аптада «сары» аймаққа 4 облыс ауысты. Бұл – Шығыс Қазақстан, Жамбыл, Солтүстік Қазақстан және Қызылорда облыстары. «Жасыл» аймақта Түркістан облысы тұр.