Қазақстанда эпидемиологиялық жағдай жақсарып келеді. Бұл туралы Үкімет отырысында ҚР Премьер-Министрі Асқар Мамин айтты, деп хабарлайды Egemen.kz.
«Ауруханалардың жүктемесі төмендеді, ауруханалардағы инфекциялық және реанимациялық орындар 35%-ды құрайды, жұқпалы 57 аурухана коронавируссыз науқастарды қабылдаудың стандартты профиліне ауыстырылды», деді Асқар Мамин.
«Қазіргі кездегі басты міндет - «қызыл аймақта» орналасқан өңірлердегі аурулардың тұрақты төмендеуіне қол жеткізу. Жаңа оқу жылының басталуын ескере отырып, білім беру ұйымдарында санитарлық нормалардың сақталуын ерекше бақылауда ұстау қажет», деп атап өтті Асқар Мамин.