Дүниежүзілік тазалық күні (World Cleanup day) жыл сайын қыркүйектің үшінші сенбісінде өтеді, деп жазады Egemen.kz.
Науқанның негізгі міндеті – жұртшылық назарын қоршаған орта тазалығына, қоқысты бөлек жинау мен қайта өңдеуге, экологиялық өмір салтын ұстануға аудару.
Сенбінің таңы атысымен Қазақстан көшелеріне экологиялық жағдайға немқұрайлы қарамайтын мыңдаған адам шықты. Солардың бірі - Ақпарат және қоғамдық даму министрлігінің қызметкерлері. Олар Нұр-Сұлтанның ең маңызды нышандарының бірі «Мәңгілік ел» салтанат қақпасының айналасын тазартты.