17 қыркүйек күні Катонқарағай ауданы Шыңғыстай ауылындағы орманда өрт шықты. Бұл туралы ШҚО төтенше жағдайлар департаментінің баспасөз қызметі мәлімдеді, деп жазады Egemen.kz.
Алдын ала мәлімет бойынша өрт найзағайдан шыққан. Жалын 3 жарым гектар жерді шарпыған.
«Оқиға орнында тілсіз жаумен өрт сөндірушілер және орманшылар күресуде. Сол жерге жалпы саны 74 адам мен 11 техника жұмылдырылған. Әзірге оттың беті қайтар емес», - деп хабарлады ведомство өкілдері.