«Азия-Авто» АҚ басшысы Антон Ненаховтың қайтыс болғаны белгілі болды, деп хабарлайды Egemen.kz.
«23 қыркүйекте Өскемен қаласы полиция басқармасының Ертіс полиция бөлімі аталған факті бойынша ҚР ҚК 105-бабы 1-бөлігі (өзін-өзі өлтіруге дейін жеткізу) бойынша сотқа дейінгі тергеуді бастады», деп хабарлады ШҚО ПД баспасөз қызметі.
Қылмыстық іс бойынша тиісті сот сараптамалары тағайындалды.
Бұған дейін сот ҚР ИИДМ-нің «Азия-Авто» компаниясынан өндіріп алу туралы талабын қанағаттандырған болатын. Кәсіпорынның бас акционері - қазіргі уақытта іздеуде жүрген Анатолий Балушкин. Ол алаяқтық жасады деген күдікке ілінді.