Жыл басынан бері елімізде сыбайлас жемқорлықтың 1500 фактісі тіркелді деп хабарлайды Egemen.kz.
Сыбайлас жемқорлыққа қарсы қызмет агенттігінің хабарлауынша, 894 пара алу, 141 ұрлық және 120 лауазымдық міндетін теріс пайдалану жағдайы тіркелді.
Азаматтар мәселені көбінесе құқық қорғау органы мен әкімдік, сондай-ақ, орталық органы мен аумақтық бөлімше қызметкерлеріне пара беру арқылы шешкенді жөн санайды.
Жемқорлық фактілері Нұр-Сұлтан, Алматы қалаларында және Шығыс Қазақстан облысында жиі тіркеледі.