Ұлттық қауіпсіздік комитеті шекара қызметінің экономика және қаржы жөніндегі директорының орынбасары Серік Әшімбаев лауазымды қызметін асыра пайдаланғаны үшін қамауға алынды.
Оған Қылмыстық кодекстің 380-бабына сәйкес «билікті немесе қызметтік өкілеттікті асыра пайдалану немесе биліктің әрекетсіздігі» бойынша айып тағылды. Әскери соттың баспасөз қызметі хабарлағандай, шекара қызметі директорының орынбасарын ҰҚК қызметкерлері құрықтаған. Бұдан бұрын Бас әскери прокурор Ерғали Мерзадинов С.Әшімбаевқа мемлекет қаржысынан 300 млн. теңге жымқырды деген күдік келтіріліп отырғанын мәлімдеген болатын.
С.Әшімбаевтің үстінен қозғалған қылмыстық іс бойынша тергеу амалдарын Бас әскери прокуратураның арнайы прокуроры жүргізетіні белгілі болды.