Қазақстан тағы екі елдің – Мальдив Республикасы мен Иорданияның вакцинация паспортын мойындады, деп хабарлайды Egemen.kz.
Қазақстанның Бас санитарлық дәрігері Ерлан Қиясов вакцинация паспорттарын тану туралы жаңа қаулы шығарды.
Бұған дейін Қазақстан 15 елдің: Аргентина, Венгрия, Грузия, Иран, Қырғызстан, Моңғолия, Армения, Беларусь, Молдова, Сан-Марино, Үндістан, Филиппин, Таиланд, Түркия және Эстонияның вакцинация паспорттарын мойындаған болатын. Бұл тізімде тағы екі ел қосылды – Мальдив Республикасы және Иордания.
Қаулы мәтінімен толығырақ мына сілтеме арқылы танысуға болады.