«Көк» мәртебесі бар қазақстандықтарға тек демалыс күндері ғана емес, жұмыс күндері де СОО-ға баруға тыйым салынуы мүмкін. Бұл туралы Алматы қаласы Кәсіпкерлер Палатасы директорының орынбасары Салтанат Лесбаева мәлімдеді, деп хабарлайды Egemen.kz.
«Бүгінгі таңда бас санитарлық дәрігердің қаулысы бойынша «жасыл» мәртебесі бар тұлғаларға бару рұқсат етілген. Жақында ВАК отырысында бұл тәжірибені жұмыс күндері де сауда-ойын сауық орталығының жұмысына тарату ұсынылды. Яғни, бүгінгі таңда сауда ойын-сауық орталықтарына тек «жасыл» мәртебесі бар тұлғалар ғана бара алуы үшін осы мәселе талқылануда», деді ол.
Оның айтуынша, «Атамекен» ҰКП-да осы мәселені талқылауға белсене қатысады.
«Себебі СОО-да көптеген кәсіпкерлер жұмыс істейді, тек сауда саласында ғана емес. Бұл объектілерде айналымдары, табыстары төмендеуі мүмкін басқа да қызмет түрлері (СОО көптеген объектілерінде қоғамдық тамақтану, мектепке дейінгі білім беру, ойын-сауық контенті объектілері) орналасқан. Сондықтан бұл мәселе қазір белсенді талқыланып жатыр», деп атап өтті ол.