Президентке көмірсутегі секторындағы бірқатар бірлескен жобаның жүзеге асырылуы жөнінде мәлімет берілді, деп жазады Egemen.kz Ақордаға сілтеме жасап.
Атап айтқанда, Қасым-Жомарт Тоқаевқа Каспий теңізінің қазақстандық бөлігіндегі ірі «Қаламқас-теңіз» жобасының негізгі қағидаттары туралы келісімге «ҚазМұнайГаз» бен «Лукойл» компанияларының қол қойғаны, сондай-ақ «Хвалынское» кен орнының игерілуі жөнінде айтылды.
Қазақстан Президенті еліміздің «Лукойл» компаниясымен серіктестігінің даму барысына көңілі толатынын атап өтті.