WBO тұжырымы бойынша орта салмақ дәрежесіндегі әлем чемпионы, америкалық Деметриус Андраденің міндетті қарсыласы, отандасымыз Жәнібек Әлімханұлы қарсыласына сауалмен қайырылды, деп хабарлайды Egemen.kz.
«Андраде, сен қайда жүрсің? Екінші орта салмаққа ауысасың ба? Мен екінші орта салмаққа барған кезде сен қай дивизионда жүресің? Орта салмақтың мықтысы менмін», деді қазақстандық боксшы АҚШ боксшысына қайырылып.
Бүкіләлемдік бокс ұйымы Жәнібек Әлімханұлы Деметриус Андраденің міндетті қарсыласы екенін ресми растаған кезде-ақ оны промоутері Эдди Хирн боксшының Жәнібекпен жұдырықтаспайтынын жеткізіп, мәлімдеме жасаған болатын. Ол Андраденің екінші орта салмаққа ауысуы ықтимал екенін де айтқан еді.