Атырау облысы әкімінің орынбасары Бақытгүл Хаменова мен облыстық мәдениет басқармасының басшысы Ақылбек Рысқалиев 5 миллион теңге көлемінде пара алды деген күдікпен ұсталды, деп хабарлайды Egemen.kz.
Шенеунікті Атырауға Нұр-Сұлтан қаласынан арнайы барған ҚР Сыбайлас жемқорлыққа қарсы іс-қимыл агенттігінің қызметкерлері ұстаған. Алдын ала мәліметтер бойынша, пара тендерден «кері қайтару» бойынша алынуы мүмкін.
Б.Хаменоваға қатысты ҚР ҚК 366-бабының 2-бөлігі («айтарлықтай мөлшерде пара алу») бойынша қылмыстық іс қозғалды. Қазір шенеуніктен Атырау облысы бойынша сыбайлас жемқорлыққа қарсы іс-қимыл департаментінің ғимаратында жауап алынуда.