Қазақстан арулары арасынан шыққан кәсіпқой бокстағы тұңғыш әлем чемпионы Фируза Шарипова жеңіл салмақтағы әлемнің абсолютті чемпионы Кэти Тейлормен өткен жекпе-жектегі төрешілер шешімімен келіспейтінін мәлімдеді, деп хабарлайды Egemen.kz.
«Достар, Кэти Тейлорға қарсы өткен шайқастағы төрешілердің шешімімен келіспейтінімді хабарлаймын. Сондықтан да қарымта кездесу өткізуге бар күшімді саламын. Мен Ұлыбритания төрінде тең дәрежеде жұдырықтастым. Қазақстанның намысын халықаралық деңгейде ойдағыдай қорғай білдім. Қолдау көрсеткен барлықтарыңызға зор алғысымды білдіремін», деп жазды спортшы өзінің әлеуметтік желілердегі парақшаларында.