Дүниежүзілік денсаулық сақтау ұйымының (ДДСҰ) сарапшысы Мария Ван Керкхов 2022 жылы коронавирустық инфекцияның пандемиясын тоқтату керектігін айтты, деп хабарлайды Egemen.kz TACC агенттігіне сілтеме жасап.
«Біз бұл пандемияны тоқтатуымыз керек. Біз инфекцияны төмен деңгейге дейін азайтып, ауыр аурулардан аулақ болуымыз керек, вакциналардың қолжетімділігі мен уақтылы емдеуді қамтамасыз ету қажет. 2022 жыл пандемияның жойылған жылы болуы керек», деді Мария Ван Керкхов.
Ол пандемияның қашан аяқталатынын болжай алмайтындығын қоса айтты.
«Менің ойымша, бұл біздің қолымызда. Бірақ біз соңына жету үшін жеткілікті жұмыс істеп жатқан жоқпыз», деді сарапшы.
Сондай-ақ ол маскаларды қолдану, қашықтан жұмыс істеу, басқа адамдармен байланысты шектеу, жиналыстардан аулақ болу және ауруханаларды дайындау қажеттілігін еске салды.