Ақтөбе облыстық санитариялық-эпидемиологиялық бақылау департаментіне жаңа басшы тағайындалды, деп хабарлайды Egemen.kz.
Ақтөбе облыстық санитариялық-эпидемиологиялық бақылау департаментінің басшысы Нұрсұлу Беркімбаева зейнет демалысына шығып, жаңа басшы болып Райхан Қойшанова тағайындалды.
Департаменттің баспасөз қызметінің хабарлауынша, ол Марат Оспанов атындағы Батыс Қазақстан медициналық университетінің гигиенист-эпидемиолог мамандығы бойынша тәмамдаған.
Еңбек жолын Ақтөбе облыстық санитариялық-эпидемиологиялық станциясы лабораториясының бактериолог дәрігер болып бастады.
Қазіргі кезде осы саладағы еңбек өтілі - 27 жыл. Бұған дейін департаменттің бөлім басшысы қызметтерін, ал 2017 жылдан бастап Ақтөбе облыстық санитариялық-эпидемиологиялық бақылау департаменті басшысының орынбасары болды.