Қазақстандық теннисші Ярослава Шведова Дүниежүзілік әйелдер теннис қауымдастығының (WTA) рейтингісінде бес сатыға көтерілді. Бұл туралы Қазақстан теннис федерациясы хабарлады.
Ол корттағы әріптесі әрі құрбысы Галина Воскобоеваны басып озып, қайтадан еліміздің бірінші ракеткасы атанды. Қазір Шведова әлемдік рейтингіде 59-орынға көтерілді. Ал Воскобоева үш сатыға төмендеп, 63-орынға жайғасты.Біздің тағы бір теннисшіміз Зарина Дияс 13-сатыға көтеріліп 105-орынға шықты. Юлия Путинцева 158-ден 154-ші орынға табан тіреді. Осы арада Зарина Диястың АҚШ-тың Майами қаласында үлкен халықаралық турнирге қатысқанын айта кеткен жөн.
Дастан Кенжалин.
Дереккөз: Қазақстан теннис федерациясы.
Фото: www.Dailynews.kz.