Канада Сыртқы істер министрлігі өз азаматтарына Ресей мен Украин арасында қарулы қақтығыс қауіпі туындауына байланысты Украинаға барудан уақытша бас тартуды ұсынды, деп хабарлайды Egemen.kz.
«Қарулы қақтығыс қауіпіне байланысты Украинаға бармауға шақырамыз. Егер сіз қазір Украинада болсаңыз, коммерциялық туристік маршруттар қолжетімді болып тұрған кезде елден шығып үлгеріңіздер», деп жазылған хабарламада.
Айта кету керек, Канада соңғы апталарда өз азаматтарына Украинаға барудың қауіптілігі туралы бірнеше рет ескертіп, ұсыныстардың категориялық деңгейін біртіндеп арттырды.