Күдікті Павлодар қаласының уақытша ұстау изоляторына қамалды, деп хабарлайды Egemen.kz Рavlodarnews.kz-ке cілтеме жасап.
Облыстық полиция департаменті баспасөз қызметінің мәліметінше, 23 ақпанда Павлодар қаласында арнайы іс-шаралар барысында полицейлер бопсалау күдігі бойынша 40 жастағы қала тұрғынын ұстаған.
«Ер адам 2020 жылдың сәуір - қыркүйек айлары аралығында Павлодардағы ЖШС бірінің бас директоры мен директорынан 52 млн 080 мың теңге көлемінде ақшалай қаражат бопсалаған деп күдіктелуде», - деп хабарлады Павлодар облысы полиция департаментінің бастығы Василий Скляр.
Аталған факті бойынша Қазақстан Республикасы ҚК-нің 194-бабы 4-бөлігіне сәйкес сотқа дейінгі тергеу жүргізілуде.