Шығыс Қазақстан облысы Шемонаиха ауданында мұз жару жұмыстары жүргізіліп жатыр, деп хабарлайды Egemen.kz ШҚО Төтенше жағдайлар департаменті баспасөз қызметіне сілтеме жасап.
«Шемонаиха ауданындағы Үбе өзенінде көктем кезінде мұз кептелуінен жағалау маңындағы нысандарды су басу қаупі туындайды. Бұған жол бермеу мақсатында 10 мың шаршы метрден астам аумақта жару жұмыстары жүргізілді. Мұз қалыңдығы 80 сантиметрді құраған», деп хабарлады ведомство өкілдері.