Мемлекет башысының баспасөз қызметі Қазақстан Президенті Қасым-Жомарт Тоқаевтың 1986 жылы Бейжіңде түсірілген суретін жариялады, деп хабарлайды Egemen.kz.
«Сіз білесіз бе, Қазақстан Президенті үстел теннисін ұнатады. Ол кезінде Қазақстанның Үстел теннисі федерациясын 13 жыл басқарған. Суретте сол кездегі Қазақстанның болашақ Президентінің дипломатиялық корпус арасында үстел теннисінен ұйымдастырылған турнирге қатысып жатқан сәті», делінген баспасөз қызметінің «Борт №1» Telegram каналына жариялаған хабарламасында.