Boxingnews24.com сайтының сарапшысы Дэн Эмброуз Геннадий Головкин мен жапониялық Риота Мурата арасында өтетін жекпе-жекке қатысты пікір білдірді, деп хабарлайды Egemen.kz sports.kz-ке сілтеме жасап.
«Егер Геннадий Головкин Риота Муратаны жеңе алмаса, қолғабын шегеге ілуіне негіз бар. Расында да ол Риотадан айласын асыра алмаса, Генаны қартайды деп есептеуге болады. Жапония боксшысын Джермалл Чарло, Деметриус Андраде, Жәнібек Әлімханұлы секілді жігіттердің кез келгені жеңе алатынына күмәнім жоқ», деп жазды ол өзінің жақында жарияланған мақалаларының бірінде.