«Қазақтелекомның» қаражатын аса ірі көлемде ұрлау дерегі бойынша ұсталған Қайрат Сатыбалдыұлы 2 айға қамауға алу туралы сот шешімі шықты, деп хабарлайды Egemen.kz.
«2022 жылдың 15 наурызында Нұр-Сұлтан қаласының мамандандырылған ауданаралық тергеу соты күдікті Сатыбалдыұлы Қайратқа қатысты 2 ай мерзімге қамауға алу түріндегі бұлтартпау шарасын санкциялады», делінген қалалық соттың сайтында.
Сотқа дейінгі тергеп-тексерудің басқа деректері Қылмыстық іс жүргізу кодексінің 201-бабына сәйкес жария етілуге жатпайды.
Бұған дейін Қайрат Сатыбалдыұлы ұсталып, уақытша ұстау изоляторына қамалған болатын.