Садақ атудан Қазақстан ерлер құрамасы Тайландта Азия кубогінің финалына жолдама алды, деп хабарлайды Egemen.kz Olympic.kz сайтына сілтеме жасап.
Бұл күндері Пхукетте садақ атудан Азия кубогы өтіп жатыр. Қазақстан ерлер құрама командасы классикалық садақ түрінен командалық жарыстың финалына шықты. Отандастарымыз финалда Үндістан құрамасымен кездеседі.
Қазақстан құрамасы сапынан Ильфат Абдуллин, Санжар Мұсаев және Дәулеткелді Жаңбырбай бақ сынап жатыр.
Айта кетейік, финалдық бәсеке 19 наурыз күні өтеді.