UFC басшысы Дана Уайт екі салмақ дәрежесіндегі бұрынғы әлем чемпионы Конор Макгрегор мен жартылай орта салмақ дәрежесіндегі әлем чемпионы Камару Усман арасында жекпе-жек өткізгісі келеді, деп хабарлайды Egemen.kz.
«Мұндай шайқас бәріміз үшін қызық болады. Ол алдымен Лас-Вегасқа келсін. Сосын сөйлесеміз. Конор Макгрегордың қатысуымен өтетін кез келген жекпе-жек қаржылық жағынан барлық тарапқа тиімді болатындығына ешқандай күмәнім жоқ. Алайда біз бұл мәселені ақылдасуымыз керек», деді ол өз ойымен бөлісіп.