Петропавлдағы жылу-электр орталығындағы апат бойынша қылмыстық іс қозғалды. Ондағы жұмысшылардың бірі әлі табылар емес, деп хабарлайды Egemen.kz ҚазАқпаратқа сілтеме жасап.
Облыстық прокуратураның баспасөз қызметі таратқан мәліметтерге зер салсақ, ЖЭО-дағы түтін мұржасының жартылай құлауына байланысты облыс әкімі жедел штаб құрған. Онда қала тұрғындарын жылумен қамтуға қатысты барлық жұмыстар атқарылуда. Қазіргі сәтте бір жұмысшы – машинист-қараушы табылар емес. Облыс прокурорының нұсқауымен арнайы құрылған жедел-тергеу тобы да іске кіріскен. Оқиға бойынша қылмыстық іс қозғалған.