Қазақстан Республикасы Президентінің Жарлығы №782

Н.З.Нығматулинді Қазақстан Республикасы Президенті Әкімшілігінің Басшысы қызметіне тағайындау туралы Нұрлан Зайроллаұлы Нығматулин Қазақстан Республикасы Президенті Әкімшілігінің Басшысы болып тағайындалсын. Қазақстан Республикасының Президенті Н.НАЗАРБАЕВ. Астана, Ақорда, 2014 жылғы 3 сәуір. №782  

Нұрлан Зайроллаұлы НЫҒМАТУЛИН

1962 жылы туған. Қарағанды поли­­тех­никалық институтын, БЛКЖО ОК жанын­дағы Жо­ға­ры ком­со­мол мектебін бітірген. Саяси ғы­лым­­дар докторы. Ағылшын тілін меңгерген. Еңбек жолын «Қарағандыоблгаз» өндірістік бірлестігінде инженер болып бастады. Ленин аудандық және Қарағанды облыстық комсомол комитеттерінің бірінші хатшысы, Қазақстан Жастар ұйымдары комитетінің төрағасы болып жұмыс істеді. «Тенгри» қазақ-америка бір­лес­кен кәсіпорнының президенті болды. 1995-1999 жылдары Президент Әкімшілігінің Ұйым­дастыру-бақылау бөлімінің мемлекеттік инспекторы, бөлім меңгерушісінің орынбасары болып қызмет етті. Астана қаласы әкімінің орынбасары, Көлік және коммуникация вице-министрі, «Отан» партиясының аппарат басшысы қызметтерін атқарды. Президент Әкімшілігі Басшысының орынбасары, Қарағанды облысының әкімі, «Нұр Отан» халықтық-демократиялық партиясы Төрағасының бірінші орынбасары лауазымдарына тағайындалды. 2012 жылғы қаңтардан – Қазақстан Республикасы Парламенті Мә­жі­лісінің депутаты, Мәжіліс Төрағасы.