UFC-де жартылай орта салмақ дәрежесінде бақ сынап жүрген отандасымыз Шавқат Рахмонов рейтингте тоғызыншы орында тұрған америкалық Нил Мэгниді шайқасқа шақырды, деп хабарлайды Egemen.kz Sports.kz-ке сілтеме жасап.
Бұған дейін баспасөз мәслихатында АҚШ спортшысы кез келген қарсыласпен октагонда кездесуге дайын екенін айтқан болатын.
Твиттерде тараған сол видеоның астына отандасымыз пікір қалдырды.
«Нил, менімен шайқасқа шықсаңшы. Мұнда маған қарсы ешкім октагонға шыққысы келмей жүр», деп жазды қазақстандық спортшы.