Президент Қасым-Жомарт Тоқаевтың конституциялық реформаларға қатысты халыққа Жолдауымен мұқият танысып шықтым. Шынымды айтсам, Жолдауда өте жағымды мәлімдемелер келтірілгеніне назар аударған жөн.
Бұл Жолдау Қазақстан мен оның халқына ғана емес, Қазақстанға жақсылық тілейтін бүкіл әлемдегі адамдарға, сондай-ақ биылғы қаңтар айындағы қайғылы оқиғадан кейін елдегі реформалардың бағытын білмекке ұмтылған бизнесмендерге арналған.
Конституциялық реформалар, шын мәнінде, саяси жүйе ішіндегі билікті қайта бөлуді көздейді. Сондықтан суперпрезиденттік жүйеден бас тартып, ықпалды Парламент, сондай-ақ бақылауы жоғары және өз аймақтарының дамуында үлкен рөл атқаратын аймақтық көшбасшылар туралы сөз қозғалды. Тұтастай алғанда, бұл Қазақстанның демократияландыру жолындағы іргелі қадамы және оны құптау керек.
Президент Қасым-Жомарт Тоқаев негізгі реформаларға қайта-қайта басымдық беріп, олардың өзі жүзеге асырғысы келетін көптеген басқа реформа үшін іргелі бағытқа айналатынына сенімді.
Әрине, бұл Жолдау қаңтар қасіретінен кейін қауіптенген көптеген тікелей шетелдік инвестордың, кәсіпкерлердің, банкирлердің күпті көңілін орнына түсіру тұрғысынан да маңызды.
Бұл Қазақстанның реформалар бағдарламасы мен экономикалық даму жоспарларын жүзеге асыруды тоқтатпайтынын, елдің алға басып келе жатқанын еске салады. Мұндай қадам қазақ қоғамының дамуындағы айтулы оқиға ретінде тарихта қалады деп ойлаймын әрі елді ілгері жылжытуға жол ашады.
Алан СПЕНС,
Қазақстанның Солтүстік Англиядағы құрметті консулы