ҚР ТЖМ баспасөз қызметі хабарлағандай, Ақмола және Қарағанды облыстарындағы жергілікті маңызы бар автожолдардың екі учаскесінде су тасқыны болды. БҚО Жәнібек ауданының Жақсыбай елді мекендерінде су басу салдарынан 108 бас мал қырылды, деп хабарлайды Egemen.kz.
Су тасқыны кезеңі басталғаннан бері 184 тұрғын және 15 саяжай үйлері, 8 елді мекенде 2 әлеуметтік нысан еріген қар суымен су астында қалды. Су Павлодар және Ақтөбе облыстарындағы 43 үйден бөлінген.
Алдын ала 841 адам эвакуацияланды, оның ішінде 430 – уақытша эвакуациялау пункттерінде, 411– туысқандарына орналастырылды.
Су басқан 141 тұрғын және 15 саяжай үйлері бақылауға алынды.
Автожолдарда барлығы 24 су тасқыны тіркелді, оның ішінде Республикалық маңызы бар – 4, облыстық – 2, жергілікті – 18, оның ішінде автожолдардың 14 учаскесі шайылып кетті: Республикалық – 1, жергілікті – 13.
Қазіргі уақытта Республикалық маңызы бар жолдардың барлық учаскелері қалпына келтірілді, облыстық және жергілікті маңызы бар 14 учаскеде су тасқыны қауіпі сақталады.
Су тасқынынан туындаған ТЖ тәуекелдерін төмендету мақсатында өңірлер аумағында ЖАО және ТЖМ күштерімен 719,65 мың текше метр еріген су сорылды, инертті материалдары бар 24 191 қап төселді, сондай-ақ 250 шаршы метр алаңда өзендерде мұз кесу жұмыстары жүргізілді.
Су тасқынына қарсы жұмыстарға 944 адам, ТЖМ, ІІМ және ЖАО-ның 360 техникасы, 40 су айдау құралдары мен ТЖМ-нің 8 жүзу құралдары жұмылдырылды.
«Қазгидромет» РМК мәліметінше, алдағы тәуліктерде Ақмола, Ақтөбе, ШҚО, БҚО, Қарағанды, Қостанай, Павлодар, СҚО және Нұр-Сұлтан қалаларында жаңбыр мен қар түрінде аздаған жауын-шашын күтіледі.
Ғарыштық мониторингтің деректері бойынша қармен жабу алаңы - 40%-дан аз, қар қорының басым бөлігі елдің орталық және солтүстік өңірлерінде байқалады.