Таразда Toyota маркалы автокөліктің жүргізушісі жолда келе жатқан жаяу жүргіншіні қағып кетті. Жол апаты Сейфуллин көшесінде болған, деп хабарлайды Egemen.kz.
«7 сәуірде сағат 21:30 шамасында Сейфуллин көшесінде Toyota маркалы көлік жаяу жүргіншіні қағып кетті. Жол апаты салдарынан ер адам оқиға орнында көз жұмды», делінген Жамбыл облысының ПД баспасөз қызметінің хабарламасында.
Аталған факті бойынша тергеу басталды. Ал көлік жүргізушісі полиция бөлімшесіне жеткізілді.
Тиісті сараптамалар тағайындалып, марқұмның жеке басы анықталды.