Павлодарда өртенген мектептің оқушылары дәстүрлі оқуға оралды

- Өткен аптада №28 ЖОББМ оқушылары үшін сабақтар онлайн өтті. Бүгіннен бастап бастауыш 557 оқушы дарынды балаларға арналған №8 мектеп-лицейінде оффлайн режимде оқиды. Қалған 5-11-сыныптардың 529 оқушысы №35 жалпы орта білім беру мектебіне барады. Барлық сабақтар кесте бойынша өткізіледі.  Жағдай бақылауға алынған, - деді №28 ЖОББМ директоры Гүлмира Мантықова.

№28 ЖОМ басшысының айтуынша, екі мектепте де жаңадан келген балаларға тамақтану ұйымдастырылған.Өрт  болған мектепте жөндеуге дайындық жұмыстары жүргізілуде.

Еске сала кетейік, 21 сәуірде Павлодар облысындағы мектептен өрт шығып, 551 бала эвакуацияланды.