Астанадағы «Әсем» сауда үйінде өрт оқиғасы орын алды. Бұл туралы Төтенше жағдайлар министрлігінің баспасөз қызметі хабарлады.
«Сәуірдің 10-нан 11-не қараған түні «Әсем» сауда үйі ғимаратының 2-қабатында орналасқан «Антошка» кафесіндегі тоңазытқыш қордырғысының үстіңгі жабық жақтауынан от қашты. Өрттің алған аумағы 10 шаршы метрді құрады. Құрбан болғандар мен зардап шеккендер жоқ», - делінген хабарламада.
Өртті жоюға Астана қаласы төтенше жағдайлар департаменті өрт сөндіру қызметі жеке құрамынан 18 адам және 3 техника бірлігі қатысты.
Құрыш Нұрымбет.
Дереккөз: Төтенше жағдайлар министрлігі.
Фото: Total.kz.