Ұлттық статистика бюросының мәліметінше, 2022 жылғы мамырда инфляция жылдық есептеуде 14%-ды құрады. Сондай-ақ бір айда 1,4%-ға дейін баяулау байқалды, деп хабарлайды Egemen.kz.
«Азық-түлік нарығында құмшекерге – 60,5%, жаңа піскен көкөністерге – 31,5%, ұнға-29,9% бағаның айтарлықтай өсуі байқалды. Жұмыртқа бағасы 8,1%-ға төмендеді», делінген Ұлттық статистика бюросының хабарламасында.
Бұл ретте ашытылған сүт өнімдері 20% - ға, күнбағыс майы - 19,4% - ға, кондитерлік өнімдер - 18,8% - ға, құс еті - 28,5% - ға, пастерленген сүт - 18% - ға, жарма-27,1% - ға, жылқы еті-16,8% - ға, картоп-26,2% - ға, қой еті-16,5% - ға, макарон өнімдері-25,9% - ға, минералды және ауыз су-19,8%, жаңа піскен жемістер - 24,6%, темекі өнімдері - 17,8%, қатты ірімшік - 23,8%, тоқаш және ұн өнімдері - 21,5%, алкогольді ішімдіктер - 13,5%, кептірілген жемістер мен жаңғақтар - 21,1%-ға қымбаттады.
Бюроның баға статистикасы департаментінің директоры Қуанышбек Жақыпбекұлының айтуынша, 2022 жылғы мамырда азық-түлік емес тауарларға бағаның өсуі 11,9% - ды құрады.
Тұрмыстық бұйымдардың баға деңгейі 20,2% – ға, жеке пайдаланылатын тауарларға – 19,5% – ға, жуу және тазалау құралдарына – 17,5% – ға, құрылыс материалдарына – 17,2% –ға, автомобильдерге-16,3% - ға, жиһаз бен үй тұрмысындағы заттарға-13,3% - ға, тоқыма бұйымдарына-9,4% - ға, фармацевтикалық өнімдерге - 8,7% - ға өсті.
Бір жыл ішінде ақылы қызметтердің бағасы 9,1% - ға өсті. Баға деңгейі қоғамдық тамақтану қызметтеріне – 14,5%, санаторийлерге – 14,3%, денсаулық сақтауға – 12,8%, шаштараздар мен жеке қызмет көрсету орындарына – 11,6%, қонақ үйлерге-6% - ға өсті. Жолаушылар көлігі қызметі 4,9% - ға қымбаттады.
Тұрғын үй-коммуналдық қызметтер саласында тарифтер электр энергиясына – 8,7%, тарату желілері арқылы тасымалданатын газға – 3,2%, қоқыс шығаруға – 2%, су бұруға – 0,6% – ға өсті, ал орталықтан жылытуға-2,3%, ыстық суға-1,1% - ға төмендеді.