Ақтөбеде жүк көлігі мен екі автобус соқтығысты. Жараланған жолаушыларды дәрігерлер қарады, деп хабарлайды Egemen.kz.
Бүгін Ақтөбе қаласында жол-көлік апаты болып, жүк көлігі мен №21 және №45 бағыттағы автобустар соқтығысты.
«Самара-Шымкент тасжолында «Хово» маркалы жүк көлігі жылдамдықты бәсеңдетпей, №21 бағыттағы автобусқа соқтығысты. Сол кезде автобуста 45 жолаушы болған. №21 бағыттағы автобус қозғалып, ол №45 бағыттағы автобусқа соқтықты. Онда 33 жолаушы болған. Жол-көлік апатынан кейін жеті жолаушы түрлі дене жарақатымен жедел жәрдем ауруханасына түсті», деді облыстық ПД баспасөз қызметінің жетекшісі Ерболат Сарқұлов.
Аяна Тоғанбек