Әлемнің көптеген мемлекетінің Конституциясына өзгерістер енгізіліп тұратыны баршаға мәлім.
Ал біздің егемен ел атанғанымызға 30 жыл өтті. Жаңаратын, жаңғыратын уақыттың келгені сөзсіз. Қай-қайсымыз да еліміздің ертеңі кемел болса екен деп армандайтынымыз айтпаса да түсінікті. Сондықтан да еліміздің жарқын болашағы үшін дауыс бердім.
Қай қоғам болсын, жаңаша дамуды қалайтыны анық. Осы орайда Президент конституциялық реформаны қоғам талқысына салғанды жөн деп тапқаны қуантты. Қазақстандықтардың барлығы да өз ойын айту арқылы өзгерістерге үн қосты. Егемен еліміз мәңгі жасай берсін!
Серік СӘПИЕВ,
Лондон Олимпиадасының чемпионы