НАТО Балтық теңізінде әскери-теңіз жаттығуларын бастады. Оған 7 мыңнан астам теңізші, әуе және теңіз жаяу әскері қатысты, деп хабарлайды Egemen.kz ABCnews-қа сілтеме жасап.
Кеше НАТО Балтық теңізінде әскери-теңіз оқу-жаттығуларын бастады. Оқу-жаттығу жиыны екі аптаға созылады. Оған 16 елден 7 мыңнан астам теңізші, әуе және теңіз жаяу әскері, соның ішінде Финляндия мен Швецияның екі үміткер әскери одақ мүшелері қатысады.
1972 жылы бастау алған жыл сайынғы BALTOPS әскери-теңіз жаттығулары қандай да бір нақты қауіп-қатерге жауап ретінде өткізілмейді. Бірақ әскери альянс: «Швеция мен Финляндияның қатысуының арқасында НАТО альянсқа қосылуға үміткер екі Скандинавия елімен бірге біріккен күшін арттыру үшін мүмкіндікті пайдаланып жатыр», деп мәлімдеді.
АҚШ-тың жоғары әскери шенеунігі 45 кеме мен 75 ұшақ қатысатын әскери-теңіз жаттығулары алдында НАТО-ның Хельсинки мен Стокгольм үкіметтеріне қолдау көрсетуі ерекше маңызды екенін айтты.
«Америка Құрама Штаттары және НАТО-ның басқа елдері үшін бұл жаттығуда Финляндия және Швециямен ынтымақтасу маңызды», деді Біріккен штаб төрағасы.
НАТО-дағы жақын серіктестер ретінде Финляндия мен Швеция 1990 жылдардың ортасынан бері әскери-теңіз жаттығуларына қатысып келеді.
17 маусымда Германияның Киль портында BALTOPS 22 жаттығуларын аяқтау жоспарланған.
Гүлдана Елубай