Қазақстан билігінің жалпыхалықтық референдум өткізуі – демократиялық құндылықтарға жаңаша көзқарас танытуы. Осылайша Орталық Азиядағы көшбасшы мемлекеттің лидері Жаңа Қазақстанды құруға ниеттеніп отыр. Қай-қайсымыз болсын, әрбір халықтың, әрбір мемлекеттің өзіне тән бай тарихы бар екенін ешқашан қаперден шығармағанымыз абзал.
Шындыққа тура қарасақ, сіз бір күнде ешқандай ережелер мен нормаларды өзгерте алмайсыз. Ол үшін біршама уақыт қажет. Сондай-ақ азаматтарды нақты шешім қабылдауға барынша көбірек тартқан дұрыс. Сол тұрғыдан алып қарағанда Қазақстанда өткізілген референдумды демократиялық құндылықтарды бағалаудың жаңа бір жолы деп түсінген абзал.
Жалпы алып қарағанда Қазақстандағы саяси науқан өз деңгейінде өтті деуге болады. Десе де болашақта Қазақстанда мемлекет пен мемлекеттік аппаратты жақсарту жолында әлі біраз жұмыстар істеуге тура келеді. Бұл дәлелдеуді қажет етпейтін аксиома іспетті. Мемлекет ондай қадамға баруға дайын. Сол үшін де жалпыхалықтық референдум өткізіп отыр. Ал аталған саяси науқан – елдің шынайы демократияға ұмтылысының нақты көрінісі. Халық билік ұсынған өзгерістерді оң қабылдады. Ең бастысы да – сол.
Тиберио ГРАЦИАНИ,
Vision & Global Trends жаһандық талдау институтының басшысы