«Қазгидромет» РМК алдағы үш күнге арналған ауа райы болжамын жариялады, деп хабарлайды Egemen.kz.
Синоптиктердің хабарлауынша алдағы үш тәулікте айтарлықтай өзгерістер күтілмейді. Жекелеген аудандарда күн күркіреп, өткінші жаңбыр жауады. 16 маусымда еліміздің шығысында және оңтүстік-шығысында қатты жаңбыр күтіледі.
«Қазақстанның солтүстік және орталық өңірлерінің тұрғындарын, нағыз жазғы ауа райы қуантады, күндіз ауа температурасы 25-30 градус дейін жылиды. Ал, Қарағанды облысының оңтүстігінде 35 градус ыстық болады», делінген «Қазгидромет» хабарламасында.