Сыбайлас жемқорлыққа қарсы қызмет Ішкі істер министрлігімен бірлесіп, Көші-қон қызметі комитетінің жұмысындағы сыбайлас жемқорлық тәуекелдерін талдауды бастады, деп хабарлайды Egemen.kz ANTIKOR баспасөз қызметіне сілтеме жасап.
Талдау шеңберінде мемлекеттік қызметтер көрсету және бақылау-рұқсат беру функцияларын іске асыру рәсімдерінде сыбайлас жемқорлық тәуекелдерін анықтау және жою бойынша жұмыс жүргізіледі.
«Көші-қон қызметіндегі сыбайлас жемқорлық фактілері бойынша ақпаратты 1402, 8 7172 714 109 нөмірлері арқылы хабарлауларыңызды және жүйені жетілдіру бойынша ұсыныстар болған жағдайда оларды tolybekov.n@antikor.gov.kz электрондық поштасына жіберулеріңізді сұраймыз», делінген хабарламада.