Түрік мамандары Қырғыз Республикасындағы Ішкі істер органдарында қызмет ететін әріптестеріне ұшқышсыз ұшатын аппараттарды жүйеге енгізу және басқаруды оқыту бойынша көмек көрсетеді, деп хабарлайды Egemen.kz.
Осы мақсатта Түркияның Ішкі істер министрлігінің сарапшылары Бішкекке келді.
Делегация Ішкі істер министрлігінің Орталық аппаратында болып, министрдің цифрлық даму жөніндегі орынбасары, полковник Сүйінбек Ниязбековпен кездесті.
Делегация құрамында BİYOTEKSAN компаниясының бас директоры Осман Келеш, Түркия Ішкі істер министрлігі Ақпараттық технологиялар департаментінің басшысы Абдулселам Өзтүрк және т.б. бар.