Бұл мұнайға деген сұраныстың келешегіне байланысты экономикалық қауіп аясында орын алды, ал инвесторлар Иранмен ядролық келісімді қалпына келтіру үшін G7 кездесуінің нәтижесін күтіп отыр, деп хабарлайды Egemen.kz Reuters агенттігіне сілтеме жасап.
«Brent» маркалы мұнай фьючерстері $1,42 немесе 1,3%-ға төмендеп, баррелі $111,70 дейін барды.
«West Texas Intermediate» маркалы Америка мұнайының баррелі 1,54 долларға төмендеп, $106,08 деңгейінде тұр.
Мұнайдың екі маркасы да өткен аптадан бері екінші рет арзандап жатыр, себебі экономиканың маңызды салаларында проценттік мөлшерлеме артып, доллар нығая түскен.
Осы аптада «Үлкен жетілік» елдерінің көшбасшылары энергия бағасының өсуі және ресейлік мұнай мен газ импортын алмастыру проблемасын шешу нұсқаларын, сондай-ақ инфляцияны күшейтпейтін қосымша санкцияларды талқылайды.
Бұл шаралар Ресей кірісін шектеу және басқа елдердің экономикаларына зиянды азайту мақсатында Ресей мұнайы мен мұнай өнімдерінің экспорты бағаларын шектеуді қамтиды.
«Үлкен жетілік» елдері Иранның ядролық бағдарламасы бойынша келіссөздерді қайта бастау перспективаларын талқылайды.