Шымкент қаласы Полиция департаментінің баспасөз қызметінің мәліметінше, қаладағы сауда орталықтарының бірінде кәмелетке толмаған қыз қайтыс болды, деп хабарлайды Egemen.kz.
3 шілде күні жедел басқару орталығының «102» арнасына қаладағы ойын-сауық орталықтарының бірінде кәмелетке толмаған қыз электр тоғына түсіп, жан тапсырғаны туралы хабарлама түскен.
Тексеріс барысында қыздың сол орталықта жұмыс істейтіні анықталды.
Оқиға Қаратау ауданы Полиция басқармасы СДТБТ-ға ҚР Қылмыстық кодексінің 156-бабы 3-бөлігі (Абайсызда адам өліміне әкеп соғу) бойынша тіркелді. Қазіргі таңда істің мән-жайын анықтауға бағытталған тергеу амалдары жүргізілуде.