Шымкентте үлкен жол апаты салдарынан 4 тонна қарбыз көшеге шашылып, үлкен кептеліс пайда болды, деп хабарлайды Egemen.kz.
17 шілде күні сағат 14:00 шамасында Жиделібайсын және Шардара көшелерінің қиылысында, мал базарына жетпей жол апаты болды. 8 көлік соқтығысып жолды жауып қалған. Салдарынан ұзын сонар көлік кептелісі болды. Алдын ала ақпарат бойынша, Howo маркалы жүк көлігіндегі тежегіш бірден істен шыққан. Зардап шеккендердің екеуі – Газель жолаушысы және Howo жүргізушісі.
Өкінішке қарай, 4 тонна қарбыз артып алған «Газель» көлігінің жүгі көшеде шашылып, жарамсыз күйде қалды.