Қытайдың батысындағы Сычуань провинциясында 6,8 балдық жер сілкінісі болды, деп хабарлайды Egemen.kz.
Қытайдың сейсмологиялық желілер орталығының мәліметінше, жер асты дүмпулері Гардзе-Тибет автономиялық ауданының батысында тіркелген.
Жер сілкінісінің ошағы Лудин округінен 39 шақырым жерде 16 шақырым тереңдікте болған. Әзірге зардап шеккендер мен қираған ғимараттар туралы нақты ақпарат тараған жоқ.
Бірақ қытайлық әлеуметтік желілерде зілзала кезінде қираған және бүлінген ғимраттардың видеосы тарап жатыр.