Еуразия даму банкінің ықпалдастық зерттеу орталығы мен «Қоғамдық пікір» зерттеу институтының ұйымдастыруымен VII Астаналық экономикалық форумы аясында «Еуразиялық ықпалдастықты қоғамның қабылдауы» панельді сессиясы өтеді.
Бұл сессия халық тарапынан экономикалық, саяси және әлеуметтік-мәдени салалары бойынша ТМД мемлекеттерінің ынтымақтасу және қауымдасу үдерістерін қабылдауы мәселесіне арналады. Онда ТМД мемлекеттеріндегі ынтымақтастық бағыттарды зерттейтін Қазақстан, Ресей және басқа мемлекеттерден жетекші сарапшылардың қатысуы және сөз сөйлеуі жоспарланған. ТМД мемлекеттерінің халқы мен элитасының Кеден одағы, Біртұтас экономикалық кеңістік пен қалыптасып жатқан Еуразиялық экономикалық одақты (ЕАО) қабылдауы пікірталастың басты мәселесінің бірі ретінде қарастырылады.
Сондай-ақ, сессия барысында Еуразия даму банкінің ықпалдастық зерттеу орталығының негізгі жобасының бірі – «Еуразия даму банкінің интеграциялық барометрі» нәтижелері ұсынылады. Жоба аясында еуразиялық ықпалдасудың және қауымдасудың түрлі аспектілері бойынша қоғамдық пікірді зерттеу мақсатында ТМД өңіріндегі 12 елдің тұрғындарынан тұрақты түрде жыл сайын сауалдама өткізу қарастырылған.
Талқылануға ұсынылатын мәселелер бойынша пікірталастың негізгі қатысушылары ретінде сарапшылар, ықпалдасу үдерістерін зерттеушілер, Қазақстан мен Ресейдің ірі зерттеу мекемелерінің жетекшілері, университеттерден, зерттеу құрылымдарынан, сараптау орталықтарынан келген ғалымдар, Қазақстанда аккредитацияланған мемлекеттердің, халықаралық ұйымдардың, мемлекеттік құрылымдардың өкілдері сөз сөйлейді.
«Егемен-ақпарат».