Өткен аптамен салыстырғанда Қазақстанның ең үздік теннисшісі Елена Рыбакина WTA-ның жаңартылған рейтингінде үш сатыға төмендеп, қазіргі кезде 25-орынды иеленген.
Юлия Путинцева 46-орынға тұрақтаса, Зарина Диас 352-орынды қанағат тұтуда. Ал үздіктер тізімінің алдыңғы легінде айтарлықтай өзгеріс жоқ. Польшалық Ига Свентек жеке-дара көш бастап тұрса, ТОП – 10 ойыншының қатарында Онс Жабер (Тунис), Паула Бадоса (Испания), Анетт Контавейт (Эстония), Джессика Пегула (АҚШ), Арина Соболенко (Беларусь), Мария Саккари (Грекия), Коко Гауфф (АҚШ), Симона Халеп (Румыния) және Каролин Гарсия (Франция) бар.
Францияның Метц қаласында өткен турнирде финалға дейін жеткен Александр Бублик әлемдік рейтингтегі жағдайын жақсартты. Бүгінгі таңда ол 41-орынды еншілеуде. Михаил Кукушкин 218-орынды иемденсе, Тимофей Скатов 140-сатыға жайғасты. Ал АТР-дің үздіктер тізіміне Карлос Алькарас (Испания), Рафаэль Надаль (Испания), Каспер Рууд (Норвегия), Даниил Медведев (Ресей), Алексндр Зверев (Германия), Стефанос Циципас (Грекия), Новак Джокович (Сербия), Кэмерон Норри (Ұлыбритания), Андрей Рублев (Ресей) және Хуберт Хуркач (Польша) бар.